Beranda > CERITA > Nasehat Calon Pengantin Betawi.

Nasehat Calon Pengantin Betawi.

Baik mempelai perempuan,maupun lelaki,sebelum terjun ke kancah pertandingan di atas ranjang,lazimnye masing-masing diberi pembekalan.lazimnye oleh encingnye.Tentu beda dengan jaman sekarang dimana sering kejadian,kompetisi juga belum di persiapkan,pertandingan sudah terjadi.Pemuda dulu naif belaka soal tempat tidur,apalgi perempuannye.

Syahdan, Mu`ale akan naek keranjang pengantin.Ia diberi nasihat oleh Cing Sohe.

Sohe : Le,lu pan belon ngerasain manis nye sorge,gue sebagai encing lu musti kasih ajar biarlu nendang bola gak meleset,langsung nyeplos ke gawang ame kiper-kipernye.

Mu`ale : Saye Cing,Ale juge bingung,bilangnye ame si mumun nanti pegimane ye kalo Ale pengen nyobain tuh manisan.

Sohe : Lu musti berseloka,gak boleh ngomong langsung.

Mu`ale : Pake umpame ye cing?

Sohe : Iye ,Lu kate begini,Mun,abang pengendeh numbuk sambel,lelenjing ade,lumpangnye kaga,bise gak Mun kalo abang di pinjemin.

Mu`ale : Kalo die kaga ngarti ame tuh seloka,pegimane Cing?

Sohe : Nyang ude-udeh mah perempuan pade ngarti,taudeh anak sekarang.Begini,lu ganti seloka.Kate beginiLe,Mun abang pengen kue putu deh,rojokannye ade,man citakannye kaga.Mumun kan punye,pinjemin abang dong…Begitu.Kalo die masih gak ngarti juge,Langsung aje lu cemplak deh.Perempuan geblek namenye die.

Malam pertama kedua mempelai terbujur di ranjang pengantin,nafsi-nafsi.Mumun meluk guling mbari mantatin Mu`ale,sedangkan Mu`ale rebahan memandang para-para mbari ngupil. “Wah,kalo begini terus bise guwa mati kaga ketaoan kuburannya.”Pikir Mu`ale.Mu`ale kuatkan hatinya.

Mu`ale : Mun…

Mumun : Saye Bang,ade ape sih Mumun di panggil…

Mu`ale : Begini,kayaknye abang pengen numbuk sambel,lelenjing udeh ade,limpangnye kagak pinjemin dong Mun.kayaknye nih lelennjing udeh kaku kayak bambu betung.

Mumun : Abang ngomong ape sih?,Mumun gak ngerti,mane ade lelenjing dari bambu betung,mau juge kayu nangke.

Mu`ale : Ni lebih dari kayu nagke Mun.Nie die nyang di panggil Jati Blande.

Mumun : Lumpang Mumun juge dari jati Blande,Bang,cuman blon di amplas,masih banyak bulunye.

Mu`ale tau-taubangkit dari tempat tidur.menuju pintu kamar.

Mumun : Bang mau kemane,katenye mao minjem lumpang.

Mu`ale : Entaran Mun,abang mo ngomong ame cing Sohe dulu.(mbari tereak)Cing,CingSohe!

Sohe : Ade ape sih Le,malem-malem gini lu terak?

Mua`le : (Mencium tangngan encingnye)Alhamdulille Cing,die ngartiseloka nyang kedue gak use di omongin lagi deh.Ude Cing ye…(kembali kekamar).

Sohe : La hauwle,dasar speler baru.Pemaen baru emang begini,untung aje pelatihnyeTele Santana dari Brazil,kalu kagak? Gak tau deh ape nyang bakal kejadia.Mua`le-Mu`le.

Dio kutip dari : Potret Budaya Betawi karangan Dato Ridwan Saidi (Humor Dalam Masyarakat)

Kategori:CERITA
  1. 30 Januari 2012 pukul 5:07 AM

    enni nasehat buat penganten taon 70-an…penganten sekarang…belon nike ude manjerin…

  1. No trackbacks yet.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: