Beranda > CERITA > Mertue Iseng…

Mertue Iseng…

Assalammualaikum Wr,Wb.

Neng manis ,abang sayang,cang,cing,nyak,babeh begini ceritenye:

Si Mamat ame si Ipeh baru aje jadi penganten baru,nah pas menjelang malam pertama atauwe selepas Solat ise,si mamat alias si menantu nih ade maksut mau ngajak bininye cari jajanan di luar rumeh.nah sat entu juge si Mamat pamit deh tuh ame mertue perempuanye,soalnye si ipeh kan udeh yatim sedari kecil.

“nyak ane pamit dulu ye bentaran mao kedepan cari jajanan ame si Ipeh juge nih”kata si Mamat ame nyak Rodieh.Nyak Rodieh”iye deh sono,jangan lupeye enyak di bliin juge.””Iye Nyak tenang aje entar ane bungkusin deh buat enyak.”jawab si Mamat.

Nah pas seudenye nyampe di depan jalan raye nih orang bedue ketemu deh ame tukang kerak telor langganannye si Ipeh,langsung ajedeh si ipehminta di bikinin “Bang kerak telornye aye di bungkus tige ye,telor nye sarang due aje bang,””iye Neng tunggu bentar ye,abang bikinin,”kate si abang tukang kerak telor.nah seudenye entu die orang langsung pade balikdeh kerume nye si Ipeh.

“Assalammualikum,”kate nih orang due.”Waalaikum salam,”jawab nyak Rodieh.”Eh elu pade dah pade balik,mane pesenan enyak”kate nyak Rodieh ame nih orang bedue.”ade nih nyak,buat enyak sebungkus,nyak ane ame si Ipeh kekamar dulu ye!”kate si Mamat ame si mertue.”Iyedeh sono” jawab si mertue.

Nah pas menjelang malemnye ternyata nyak Rodieh timbul nih pikiran isengnye, “wah udeh malem ,nih anak bedue-duean lg ngapain ye di kamar?,” kuping nyak Rodieh sengaja deh di tempelin ke dinding pintu kamarnye si Ipeh saking penasarannye.

Mamat: Neng abang buka sekarang ye?

Ipeh : Iye bang cepetan aye juga udeh gak sabaranih pengen di buka.

Mamat:Suseh amat neng bukanye.

Ipeh : Pelan-pelan dong bang bukanye…

Mamat:Neng abang nyerah…, Abang silet aje ye neng biar cepet.

Ipeh : Iye deh bang gak pape silet aje biar cepet.

Nyak Rodiehnye ndredeg atinye lantaran ngedenger anak atu-atu nye mao di silet ame menantunye,(“Wah kasar amat nih bocah maennye ,anak gwe sampe mao di silet segale.wah gak bisa di diyemin nih”) ,akhirnye saking sayangnye ame anak perempuannye atu-atunye nyak Rodieh langsung aje ngedobrak pintu saking kekeselan langsung aje die nyerocos:

“Jangan di silet tong kesianan,dulu enyak ame babe lu cuman di minyakin doang!!!.”

Si Mamat ame si Ipeh kaget dan bengong.

Mamat: Eh enyak bikin kaget aje ,lagian siape nyang mau nyilet si Ipeh,orang aye lagi mau ngebuka tali bungkusan kerak telor.

Nyak Rodieh langsung mere mukenye lantaran keliwat malu ame mantunye”maafye abis enyak penasaran,maklum enyakkan udehlame di tinggal ame babelu.”kate nyak Rodieh sambil mukenye di tekuk mirip ame dompet kompeni blande.

Ipeh : Iye nih enyak bikin malu aje.

Akhirnye suasane malam entu jadi rame lantaran anak,mantu ame mertue pade becande ampe pagi .

He he he…..Dasar mertue Iseng.

SEKIAN Dulu ye critenye.Kalo ade nyang bae dari ni cerite silahkan di ambil,tapi kalo ade nyang kurang sopan atoe pates entu lantaran kebodohan ane,ane mohon di bukain pintu maaf nyang sebesar-besarnye.

Wassalammualaikum .

Kategori:CERITA
  1. Belum ada komentar.
  1. No trackbacks yet.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: